autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Doazóns

Correo-e Imprimir PDF

Para desenvolver os nosos proxectos en favor das persoas con trastornos do espectro do autismo e as súas familias, precisamos importantes recursos xa que estes programas:


  • Deben contar con alta especialización.
  • Deben adaptarse a necesidades moi específicas.
  • Deben cubrir necesidades básicas para as que non existen recursos alternativos.

 

Colabora facendo a túa achega e forma parte da nosa rede de apoio ás persoas que teñen trastornos do espectro do autismo.

 


 

 

Mira o nosos proxectos

 

Maremagnum: única publicación galega sobre os trastornos do espectro do autismo

Esta publicación, que leva connosco 17 anos, componse de artigos científicos, de investigación e culturais. Nela teñen voz os mellores profesionais galegos, españois e tamén estranxeiros dedicados ao autismo. Distribúese en papel de xeito gratuíto a bibliotecas, universidades e persoas interesadas e ademais cólgase na nosa páxina web, todo co obxectivo de que o coñecemento sobre o autismo estea a disposición da comunidade investigadora, profesional e tamén estudiantil.

Coñece Maremagnum


 

 

Adaptación de espazos ás persoas con autismo, racha coas barreiras de comunicación

Para salvar as súas dificultades na comunicación, as persoas con autismo válense de apoios visuais que lles axudan a comprender onde se atopan, as cousas que van facer, as normas que deben seguir, etc. A falta de comprensión supón para as persoas con autismo unha fonte de ansiedade e pode provocar que desenvolvan un comportamento pouco axeitado. Para facilitar o acceso destas persoas aos lugares e servizos públicos que máis usan en igualdade de condicións, os adaptamos á súa comprensión con apoios visuais deseñados por profesionais especializados.

Estas adaptacións son útiles ademais para moitos outros colectivos como as persoas maiores, con dano cerebral ou discapacidade intelectual.

Coñece máis sobre a accesibilidade nas persoas con autismo



Campamentos e actividades de ocio adaptadas

As persoas con autismo teñen dificultades para planificar as súas actividades de ocio, polo que dende Autismo Galicia ofertamos campamentos e saídas de ocio especialmente pensadas para os seus gustos e deseñadas por técnicos especializados para que poidan potenciar as súas habilidades. Estas pequenas viaxes permiten tamén aos seus familiares e coidadores habituais, sometidos de cotío a niveis altos de estrés, conciliar o coidado con outros aspectos da súa vida.

Coñece as actividades de ocio e respiro familiar



Emprego con apoio, queremos traballar e ser independentes

As persoas con autismo teñen habilidades e son capaces de traballar de xeito eficiente se se lles prestan os apoios necesarios. Para calquera persoa o traballo é un dereito, unha forma de ser independente e de estar incluído na sociedade, tamén para as persoas con autismo. Por este motivo, en Autismo Galicia esforzámonos para que as persoas con autismo podan incorporarse ao mercado laboral e deste xeito ser máis autónomos e independentes.

Coñece o noso Servizo de Emprego

 

 



Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.