A Federación Autismo Galicia constitúese no ano 1995. É unha entidade sen ánimo de lucro, declarada de utilidade pública, que agrupa a 12 entidades que prestan servizos, integrais e específicos, dirixidos a persoas con Trastornos do Espectro do Autismo (TEA) e ás súas familias.

A misión da Federación Autismo Galicia, como compromiso ético cos nosos beneficiarios, é mellorar a calidade de vida das persoas con trastornos do espectro do autismo e das súas familias.

Os/as destinatarios dos servizos da federación son as entidades galegas que desenvolven o seu labor coas persoas con TEA e coas súas familias e son membros da federación.

Autismo Galicia, traballa pola calidade total nas entidades e nos servizos e basea este traballo na consideración da persoa con TEA como suxeito de dereitos e deberes en igualdade de condicións ao resto das persoas. Traballamos coa consideración da importancia da familia en todos os programas de intervención e a necesidade de colaboración entre esta e os profesionais implicados na mesma.

Formamos parte da rede nacional da Confederación Autismo España, internacional Autismo Europa e traballamos co CERMI Galicia e EAPN Galicia.

A nosa Xunta Directiva:

• Presidente: Antonio de la Iglesia Soriano (Asociación ASPANAES).
• Vicepresidente: Cipriano Luís Jiménez Casas (Fundación Menela).
• Secretario: José Manuel Varela Rodríguez (Fundación Tutelar Camiño do Miño).
• Tesoureiro: José Antonio García Villar (Fundación Autismo Coruña).

Áreas de traballo:

• Dirección.
• Administración e Xestión.
• Programas e Proxectos.
• Emprego e Formación.
• Apoio ao colectivo.
• Comunicación.