autismogalicia.org

  • Increase font size
  • Default font size
  • Decrease font size
  • Español
  • Galician (Galego)

El Autismo te Habla, Sigue las Señales: spot de sensibilización

Correo-e Imprimir PDF

O día 2 de abril, aproveitando a presentación en Madrid da campaña de concienciación ‘El Autismo te Habla, Sigue las Señales’ e coincidindo coa celebración do Día Mundial de Concienciación sobre o Autismo, lanzouse a nivel nacional un anuncio de sensibilización que incide na alta prevalencia dos trastornos do espectro do autismo.

O aspecto que resalta este anuncio -a alta taxa de incidencia- vén completar a idea central que vertebra a campaña, que é a da necesidade de aprender a recoñecer os síntomas para levar a cabo unha detección temperá e poder ofrecer, dese modo, unha atención sociosanitaria axeitada a cada caso.

Non balbucear, non reaccionar cando se pronuncia o seu nome, ou non sinalar obxectos co dedo aos 14 meses, son -por exemplo- algúns dos sinais que poden indicar un posible caso de TEA nun neno.

 

Banner animado da campaña

 

 

Saber recoñecer signos como estes é unha necesidade básica, dado que o diagnóstico temperá determina, non só a natureza do trastorno, senón tamén o nivel de servizos integrais de apoio que necesitan estas persoas, o que permite orientar ás familias e profesionais a ofrecer a mellor asistencia e tratamento de acordo ás necesidades detectadas.

A web www.elautismotehabla.org á que remite este anuncio, alberga toda a información sobre os sinais de alerta e pasos a seguir cando se ten unha sospeita, así como recursos, para guiar e axudar aos pais, nais e familiares.

 

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.