autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Pictogram Room: software de actividades ocio-eductivas para persoas con TEA

Correo-e Imprimir PDF

A Fundación Orange e o Grupo de Autismo do Instituto de Robótica da Universidade de Valencia crean o programa Pictogram Room (A habitación dos pictogramas). Trátase dun software de actividades ocio-educativas de descarga gratuíta deseñadas para dar resposta de forma lúdica a unha serie de necesidades das persoas con Trastorno do Espectro do Autismo (TEA) nas que ata agora era difícil intervir.

Mediante un sistema de cámara-proxector e a través do recoñecemento do movemento conséguese reproducir a imaxe da persoa xunto cunha serie de elementos gráficos e musicais que guiarán a súa aprendizaxe.

Concerto Solidario de ASPANAES en A Coruña

Correo-e Imprimir PDF

Cartel Concerto ASPANAES

O próximo luns 26 de marzo, a asociación ASPANAES celebrará no Pazo da Ópera de A Coruña (20.30h) o III Concerto Solidario para promover a protección dos dereitos das persoas con Trastornos do Espectro do Autismo. Nesta edición, a recadación estará destinada a promover a detección temperá a través da especial atención aos indicadores, tema principal que artella o Día Mundial de Concienciación sobre o Autismo deste ano.

 

Última actualizaciónfeita en Venres, 23 Marzo 2012 14:38

Cupón da ONCE a favor do Autismo

Correo-e Imprimir PDF

A ONCE dedica o Cupón Fin de Semana do 24 de marzo ao Día Mundial de Concienciación sobre o autismo (2 de abril), amosando así o seu apoio ao colectivo de persoas con trastornos do espectro do autismo (TEA) e as súas familias.

Entrega cupón ONCE

O Delegado Territorial da ONCE en Galicia, Manuel Martínez Pan, fixo entrega dunha reprodución enmarcada do cupón ao Vicepresidente da Federación Autismo Galicia, Cipriano Jiménez Casas, nun acto que contou coa presenza da Presidenta do Consello Territorial de ONCE-Galicia, Dolores Venancio, e de representantes de varias das entidades federadas de Autismo Galicia, como Apacaf, Raiolas Lugo, Fundación Menela de Vigo, Autismo Coruña, Autismo Ourense, e directivos do Centro de Día Aspanaes de Castelo (Sada) e do Colexio EE. Aspanaes de A Coruña.

Comisión de Comunicación de Autismo España

Correo-e Imprimir PDF

Autismo España constitúe unha Comisión de Comunicación para integrar a voz unitaria de todas as entidades membro ante os medios.

O obxectivo é o de establecer estratexias comúns en materia de sensibilización que potencien a visibilidade mediática do colectivo de persoas con Trastornos do Espectro do Autismo (TEA).

O pasado día 7 de marzo celebrouse na sé de Autismo España en Madrid a primeira reunión da recentemente constituída Comisión de Comunicación da Confederación. Esta Comisión está formada por representantes dos servizos de comunicación externa e interna de diversas entidades federadas pertencentes a todo o territorio nacional e pretende impulsar o establecemento de accións comunicativas coordinadas e consensuadas entre todas as entidades membro que axuden a potenciar a efectividade das mensaxes transmitidas e a presenza nos medios.

Páxina 122 de 128

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.