autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Xornadas sobre Protección Xurídica e Discapacidade

Correo-e Imprimir PDF

Autismo Galicia estivo presente nas Xornadas sobre Protección Xurídica e Discapacidade celebradas os pasados 3 e 4 de maio na Escola Galega de Administración Pública (EGAP) (Santiago de Compostela).

A Fundación Gavela de axuda a persoas con enfermidade mental organizou este evento en colaboración coa EGAP co obxectivo de facilitar aos profesionais vinculados a este eido coñecementos actualizados sobre a protección xurídica das persoas con discapacidade conforme a Convención.

O encontro serviu tamén para crear un foro de intercambio entre as entidades e profesionais que en Galicia dirixen a súa actividade ás persoas con capacidade modificada xudicialmente, asumindo medidas de apoio e protección (fundamentalmente tutelares).

Última actualizaciónfeita en Luns, 07 Maio 2012 15:36

Presentación da Campaña ‘X Solidaria’ en Santiago de Compostela

Correo-e Imprimir PDF

EAPN-Galicia, FAXPG e FADEMGA presentaron hoxe venres en Santiago de Compostela a ‘Campaña “X Solidaria”. Esta campaña anual, de carácter nacional, pretende apelar ao compromiso cidadá coas causas solidarias e transmitir a idea de que, cun xesto simple e sinxelo como é marcar o recadro de fins sociais na declaración da renda, podemos contribuír a cambiar a vida das persoas máis desfavorecidas, sobre todo na actual coxuntura económica.

En rolda de prensa, representantes de tres das entidades membro de EAPN-Galicia (da que Autismo Galicia forma parte xunto con outras 15 organizacións do Terceiro Sector en Galicia), quixeron salientar ante ao medios a importancia e a implicación da asignación fiscal do 0,7% da cota íntegra a programas para os máis desfavorecidos: persoas maiores, persoas con discapacidade, infancia, etc.

Última actualizaciónfeita en Luns, 07 Maio 2012 09:23

VI Curso Monitor en Ocio e Tempo Libre para Persoas con TEA

Correo-e Imprimir PDF

Aberto o prazo de preinscrición ata o 25 de maio de 2012.

Autismo Galicia organiza, en colaboración coa Xunta de Galicia e a Fundación ONCE, a VI edición do curso Monitor en Ocio e Tempo Libre para Persoas con Trastornos do Espectro do Autismo.

O curso está dirixido a persoas interesadas en formarse como monitores de ocio para este colectivo específico e ten como obxectivos formativos o coñecemento por parte dos participantes dos procesos psicolóxicos básicos da aprendizaxe en persoas con TEA, así como o coñecemento das diferentes áreas de intervención educativa con este trastorno ou a aprendizaxe de diversas técnicas de ocio orientadas á participación e a dinamización.

Última actualizaciónfeita en Xoves, 03 Maio 2012 12:35

III Xornadas ‘A Discapacidade Hoxe’ en Ordes

Correo-e Imprimir PDF

Esta fin de semana celebrouse en Ordes a terceira edición das Xornandas ‘A Discapacidade Hoxe’, organizadas pola Área de Diversidade Funcional deste Concello, e nas que participou Autismo Galicia.

Na presente convocatoria, que coincidiu coa celebración anual de Feira Multisectorial Expo Ordes, a Xornada aglutinou a un total de 15 entidades do sector da discapacidade.

FAXPG, ONCE, COGAMI, FADEMGA ou Down Compostela foron algunhas das organizacións que se deron cita xunto a Autismo Galicia ao longo da fin de semana.

As entidades estiveron presentes ante o público asistente con stands informativos na Área de Diversidade Funcional a elas reservada dentro do recinto feiral de Expo Ordes. Pero o sábado 28 tiveron ademais un espazo de encontro e reflexión no Auditorio do Museo do Traxe ‘Juanjo Liñares’, no que cada organización deu a coñecer a realidade do sector específico da discapacidade para o que cada unha traballa.

Última actualizaciónfeita en Xoves, 03 Maio 2012 12:31

Páxina 117 de 126

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.