autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

O envellecemento nas persoas con TEA, un reto desde moitas frontes

Correo-e Imprimir PDF

Un enorme reto para a sociedade e unha das maiores preocupacións para os familiares é o futuro das persoas con discapacidade intelectual: qué ocorrerá cando a persoa supere a idade adulta e os seus pais morran ou sexan moi maiores para facerse cargo.

As persoas con TEA configuran un grupo social moi recente, pois as primeiras descricións e diagnósticos do autismo realizáronse nos anos 40, e non foi ata os 70 cando se comezou a considerar como un espectro de trastornos. Por primeira vez, existen en España persoas diagnosticadas con TEA que estanse a aproximar á terceira idade e isto plantexa graves complicacións para as familias.

Última actualizaciónfeita en Venres, 11 Xaneiro 2013 11:54

Autismo Galicia participa na iniciativa Compostela Integra

Correo-e Imprimir PDF

Autismo Galicia dispón xa dun espazo propio dentro do Portal das Asociacións de Compostela Integra, un lugar de encontro virtual para o sector social creado polo Concello de Santiago.

Esta plataforma permite un contacto mais directo entre entidades, que poden poñerse en contacto de forma sinxela e rápida para intercambiar información que contribúa á mellora nos servizos. Dentro de Compostela Integra pódense atopar tamén unha axenda coas iniciativas que as diferentes entidades están a desenvolver en Santiago e todo tipo de noticias relacionadas co sector social.

Esta nova ferramenta de traballo permitirá ás asociacións ter mais visibilidade e colaborar entre elas utilizando as novas tecnoloxías. No Portal das Asociacións, os usuarios tamén poden consultar un perfil de Autismo Galicia e poñerse en contacto coa entidade.

Coa súa participación neste proxecto, Autismo Galicia pretende estreitar os lazos con outras entidades e estar mais preto dos cidadáns que desexen coñecer a Federación ou colaborar con ela.

O novo número de Maremagnum, xa dispoñible na rede

Correo-e Imprimir PDF

Xa está dispoñible en liña o número dezaseis da revista Maremagnum: nenos salvaxes e psiquiatría infantil. Este novo volume céntrase no nacemento da psiquiatría infantil, algúns casos de “nenos salvaxes” documentados por esta disciplina e tamén a singular relación que se establece entre a loucura, as mulleres e a escritura.

Maremagnumé a única publicación galega no eido dos TEA e pódese consultar neste enlace: Maremagnum XVI

Última actualizaciónfeita en Mércores, 02 Xaneiro 2013 10:57

ConcentraRedes: unha nova plataforma para achegar as redes sociais ás persoas con discapacidade

Correo-e Imprimir PDF

Presentouse en Madrid a iniciativa ConcentraRedes, un proxecto desenvolvido por Technosite coa axuda do Ministerio de Industria e a Fundación ONCE para achegar as redes sociais ás persoas con discapacidade.

ConcentraRedes aglutina as ferramentas dixitais de interacción social mais populares (Facebook, Twitter, YouTube e LinkedIn) baixo un mismo panel de control para que o usuario poida utilizalas sen verse obrigado a cambiar de unha a outra constantemente. Os paneles están organizados de forma visual e intuitiva e permiten xestionar conxuntamente as mensaxes e publicacións das catro plataformas.

Última actualizaciónfeita en Luns, 31 Decembro 2012 12:59

Páxina 102 de 119

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.