autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Federación Autismo Galicia #TEACTIVA no II CONGRESO INTERNACIONAL ASPANAES

Correo-e Imprimir PDF

STAND INTERACTIVO da FEDERACIÓN AUTISMO GALICIA no II CONGRESO ASPANAES


O Stand Interactivo da Federación Autismo Galicia, ofrece a posibilidade de achegarte ás propostas da Federación, coñecernos e ter información dos nosos programas e proxectos.

Para isto teremos a vosa disposición variados recursos e poñeremos en acción tres actividades conxuntas durante toda a xornada do venres e do sábado.

Teremos unha Zona - TI CONTAS!, para quen esté interesado en traballar ou facer vínculo con nos, outra zona MUNDO – sobre accesibilidade, e a Zona TEACTIVA!!!

Achégate a nos para descobrir a nosa rede de servizos, cómo funcionamos e o que podemos facer por ti.

 

 

Federación Autismo Galicia #TEACTIVA
PARTICIPA / VISIBILIZA / FÓRMATE / INFÓRMATE

Programa:


VENRES 10 / 5
De 9:00h a 19:30h

SÁBADO 11 / 5
De 9:00h a 16:30h

LUGAR: PALEXCO CORUÑA

 

Zona TI CONTAS!

Tráenos o teu CV para contar co teu talento na Federación e nas nosas entidades.
Queremos coñecerte!
Poderás entregar o teu CV en man, traendo un documento ou deixándonos os teus datos.
E se queres recibir INFORMACIÓN dos Programas Formativos da Federación apúntate para que poidamos enviarche toda a info actualizada.

 

Zona MUNDO - Accesibilidade.

A Federación Autismo Galicia leva acabo un programa específico destinado á mellora da accesibilidade das contornas e recursos para as persoas con TEA en distintos contextos: no eido sanitario, no eido social e no eido educativo.
¿Queres facer un mundo accesible? Contámosche cómo.

 

Zona TEACTiVA

Non te vaias sen contarnos qué é o que #TEACTIVA, emociona, e gusta da xente con TEA.
Achégate ao noso pequeno pero moi agarimoso PhotoCool.

 

Última actualizaciónfeita en Venres, 03 Maio 2019 13:41

MARIA MERINO inparte o curso "Muller e TEA" organizado pola Federación Autismo Galicia.

Correo-e Imprimir PDF

O pasado sábado tivemos o pracer de poder contar coa docente María Merino, e profundar nas necesidades e o coñecemento das nenas, adolescentes e mulleres con Autismo.

Existe moi pouco coñecemento sobre as características que as definen, así como a súa calidade de vida. Por isto temos que ampliar os ceñecementos e ferramentas para poder mellorar e desenvolver boas prácticas para a detección e a intervención do autismo ao longo da vida de nenas, mulleres e adolescentes.

Os diagnósticos nos homes son moito máis frecuentes que en mulleres, pero os profesionais están a empezar a entender que as observacións en casos femininos non foron ben levadas.

 

PROGRAMA DE FORMACIÓN da FEDERACIÒN AUTISMO GALICIA: MULLER E TEA

 

 

Nos últimos anos, os avances no coñecemento sobre o Trastorno do Espectro do Autismo así como a identificación temperá e o diagnóstico precoz han contribuído a que o número de persoas que forman parte do colectivo aumentase notablemente. Ademais, este incremento de diagnósticos é moi significativo no caso das nenas e mulleres en particular ( Gould e Asthon-Smith, 2011)

En España non existen rexistros oficiais sobre persoas con TEA, pero estímase que unhas 450.000 poderían estar diagnosticadas.

O sesgo termina sendo tamén unha cuestión de xénero, segundo os expertos, segue moi presente. "As mulleres teñen mellores habilidades de manexo de situacións sociais, mellor capacidade verbal, e iso fai que se enmascaren os síntomas e camúflense mellor e sexa máis difícil o diagnóstico", indica Cristina Hernández Layna, investigadora da Confederación de Autismo

Dende Autismo Galicia temos o compromiso de actualizarnos e formar tanto as familias como aos profesionais, polo que desde o Programa de Formación ofrecemos unha ampla programación.

 

 

Última actualizaciónfeita en Luns, 29 Abril 2019 11:20

Autismo España e Autismo Galicia manifestan o seu absoluto rexeitamento á celebración da conferencia “3 debates sen cesura”.

Correo-e Imprimir PDF

Reiteramos a necesidade de non promover nin divulgar información sobre supostas terapias que prometan a mellora ou curación do trastorno do espectro do autismo, que poden supoñer un grave risco para a saúde das persoas con  TEA e para a súa calidade de vida.

O próximo 27 de abril ten previsto celebrarse na Coruña un acto de apoio a Josep  Pàmies, baixo o título “3 debates sen  cesura”.

O acto consiste en tres charlas: Leite; natural, industrial ou ningunha?, MMS panacea ou  bulo? e Vacinas, obrigatorias, seguras…?, co obxectivo de dar apoio a este agricultor que xa foi sancionado pola Generalitat de Catalunya por difundir terapias baseadas en substancias ilegais e daniñas para a súa utilización en persoas.

 

Desta maneira, e como fixemos en anteriores ocasións, manifestamos o noso máis absoluto rexeitamento a este tipo de actuacións e pedimos ás autoridades e administracións públicas competentes que fagan todo o posible para evitar que teñan lugar, debido ao grave prexuízo que supoñen para o colectivo de persoas con trastorno do espectro do autismo (TEA) e as súas familias.

O autismo é un trastorno de base  neurobiológica que, a día de hoxe, non ten curación. Como recolle o documento de Posicionamento sobre “Intervencións sen evidencia contrastada”  que se elaborou conxuntamente coa Asociación Española de Profesionais do Autismo ( AETAPI), as únicas abordaxes e intervencións  recomendados a nivel nacional e internacional para o tratamento do  TEA son de carácter  psicoeducativo, orientados a potenciar puntos fortes e a proporcionar apoios que favorezan o desenvolvemento persoal, a inclusión social e a calidade de vida das persoas con  TEA e das súas familias.

 

Por iso, a intervención dirixida ás persoas con  TEA debe estar sempre baseada na evidencia e conxugar o coñecemento científico coa experiencia e o consenso profesional, así como cos intereses e dereitos das propias persoas con este tipo de trastorno e as súas familias.

Tendo en conta estes argumentos, denunciamos que charlas como as que se propoñen no evento que denunciamos só contribúen a xerar falsas expectativas nas familias fronte aos resultados dos tratamentos existentes, facéndolles vulnerables a situacións de potencial abuso como esta. Neste sentido, non podemos apoiar o uso do  clorito de sodio para fins terapéuticos, nin de ningunha outra substancia ou tratamento similar que basee a súa promoción en atractivas promesas de curación, recuperación ou mellora inmediata das manifestacións do  TEA.

 

A nosa posición baséase na Orde emitida pola Axencia Española de Medicamentos e Produtos Sanitarios.

Declara o clorito de sodio como medicamento ilegal e ordena a súa retirada do mercado. De maneira expresa, estableceu que: “este produto, cando se consome seguindo as instrucións dadas polos seus defensores, produce efectos adversos que poden ser graves. O  clorito de sodio, en solución  acuosa e cando se administra nas condicións indicadas, transfórmase en ácido  cloroso que se degrada a dióxido de cloro. Todas estas substancias teñen unha acción  oxidante forte, e o seu consumo directo nesas condicións pode producir dor abdominal, náuseas, vómitos, diarrea, intoxicacións, fallo renal e  metahemoglobinemia”.  No mesmo sentido pronunciouse o Instituto de Investigación de Enfermidades Raras, pertencente ao Instituto de Saúde Carlos III, en 2016, no informe que emitiu a petición da Asociación Española de Profesionais do Autismo ( AETAPI) .

 

Por todo iso, insistimos na necesidade de non promover, apoiar ou divulgar supostas terapias que prometan a mellora ou curación do autismo e que, como estas, poidan poñer en grave risco a saúde das persoas con  TEA.

 

Este tipo de prácticas son claramente fraudulentas e só contribúen a xerar desconcerto sobre os tratamentos avalados pola evidencia e a embazar o labor dos profesionais cualificados que traballan cada día para mellorar a calidade de vida das persoas con  TEA.

Última actualizaciónfeita en Mércores, 24 Abril 2019 14:27

O ciclo de conferencias formativas da Federación Autismo Galicia continúa no Campus de Lugo

Correo-e Imprimir PDF
Conferencia "Atención á diversidade: o alumnado con TEA" no Campus de Lugo

A FEDERACIÓN AUTISMO GALICIA en colaboración coa UNIVERSIDADE DE SANTIAGO DE COMPOSTELA continúa o cilco de conferencias do proxecto UN DE CEN na Facultade de Formación do Profesorado. USC Campus Lugo.

 

Nela darán a coñecer o Trastorno do espectro do #autismo e a súa metodoloxía específica, os recursos internos e externos aos centros educativos e o proceso de derivación. Ademais contarán cunha representante da Asociación Capaces Lugo para coñecer os servizos que ofrece esta entidade e a realidade coa que conviven.

 

Data: 24 de Abril as 17:00 horas

Lugar:  Salón de actos da Facultade de Formación do Profesorado. USC Campus Lugo.

Relatoras: Alba Vázquez Paz e Cristina Couto Pena da Federación Autismo Galicia. E Ángeles Fernández Nuñez da Asociación Capaces Lugo

 

 

Un de Cen. Comprendendo o espectro.

É un proxecto integral que combina o trinomio INFORMACIÓN, SENSIBILIZACIÓN e FORMACIÓN , que xorde ante a necesidade de crear unha chamada de atención cara as necesidades e realidade das persoas con Trastorno do Espectro do Autismo, contribuíndo a xerar unha mirada máis ampla e profunda en torno á súa singularidade.

O ciclo de conferencias é unha proposta de achegamento directo das necesidades específicas das persoas con TEA aos futuros profesionais e docentes no ámbito universitario.

A través da execución de conferencias nas aulas, impartidas por profesionais da Federación Autismo Galicia, establécense accións encamiñadas a tecer redes de cooperación entre a Universidade, a Federación Autismo Galicia e os profesionais que a compoñen.

POR QUE UN de CEN?

Esta formación específica é máis que necesaria tendo en conta a prevalencia actual, de 1 caso de Tea por cada 100 nacementos, cun incremento potencial segundo recentes estudos.

Se temos en conta as necesidades básicas dunha persoa ao longo da súa vida e aspiramos a cubrilas na medida do posible, atopámonos con que as persoas con TEA ven mermada a súa calidade de vida. Tamén ven mermado o acceso a ser-vizos e apoios básicos cando devanditos servizos non se adaptan ás necesidades específicas das súas distintas etapas vitais.

Estas necesidades básicas que se ven vulneradas son, por exemplo, a súa opor-tunidade de aprendizaxe, de inclusión social, de desenvolvemento persoal, aten-ción médica, etc.

 

Dende Autismo Galicia traballamos para ofrecer a formación máis adaptada e actualizada posible, a túa opinión é importante para nos. Neste enlace poderás encontrar unha breve enquisa sobre a conferencia impartida do ciclo formativo "UN DE CEN, comprendendo o espectro", realizala só levará uns minutos. Grazas!

 

ENLACE ENQUISA DE SATISFACCIÓN

Última actualizaciónfeita en Luns, 22 Abril 2019 09:38

Páxina 2 de 132

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.