autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Aberta a inscrición na II edición dos cursos formativos sobre Educación no ámbito do TEA

Correo-e Imprimir PDF

A Federación Autismo Galicia organiza no primeiro cuatrimestre do 2018 a II Edición dos cursos de formación nos que se aborda o tratamento das persoas con TEA dende a prespectiva da Educación. Están dirixidos a profesionais do ámbito educativo como mestres, educadores, orientadores, coidadores... que non pertenzan a entidades asociadas á federación. Os tres cursos serán impartidos por Marlene Horna Castiñeiras, licenciada en Psicoloxía e que conta con máis de 15 anos de experiencia no ámbito do TEA.

PRIMEIRO CURSO: 'Apoios visuais como ferramente de intervención nos Trastornos do Espectro do Autismo', ten como obxectivo que os participantes aprendan a intervir e axudar ás persoas con TEA en diversos contextos empregando diferentes tipos de apoios visuais. Terá lugar o 3 de febreiro.

SEGUNDO CURSO: 'Habilidades sociais en persoas con Trastorno do Espectro do Autismo', no que os participantes adquirirán recursos e ferramentas para ensinar ás persoas con TEA a desenvolverse socialmente. Terá lugar o 17 de marzo.

TERCEIRO CURSO: 'Intervención sobre as condutas inadecuadas en persoas con TEA', o apoio condutual positivo. Neste curso o obxectivo é que os participantes no curso entendan por que se producen e se manteñen as condutas inadadecuadas no contexto escolar ordinario. Saber que detrás destes comportamenos existe un motivo que se ensinará a descubrir e analizar para así planificar e intervir de forma proactiva. Terá lugar o 14 de abril.

 

Programa e inscrición nos tres cursos


Última actualizaciónfeita en Martes, 19 Decembro 2017 10:48

Visibilizando o autismo co Calendario 2018 #retraTEA. Miradas en Filtros

Correo-e Imprimir PDF

icon Calendario 2018. #retraTEA. Miradas en Filtros

Foto de familias dos participantes no acto de presentación do Calendario 2018

Última actualizaciónfeita en Venres, 22 Decembro 2017 13:58

Presentación da campaña #retraTEA. Miradas sen Filtros

Correo-e Imprimir PDF

O vindeiro xoves 14 de decembro Autismo Galicia presenta en Santiago a campaña de sensibilización #retraTEA. Miradas sen Filtros, que se materializou no Calendario 2018. O acto, que terá lugar na zona vella de Santiago, no Centro Afundación. Edificio EISIDE. Rúa Nova 33, comezará as 17.00 horas e nel participarán representantes da federación, varios dos autores das fotos, así como os retratados e o director artístico do proxecto.

Última actualizaciónfeita en Martes, 19 Decembro 2017 13:28

Autismo Galicia participa na mostra colectiva 'CapacitARTE'

Correo-e Imprimir PDF

O presidente da Xunta, Alberto Núñez Feijóo inaugurou onte a exposición, organizada polo CERMI, Capacitarte. Trátase dunha mostra a prol dunha Galicia inclusiva e igualitaria, en palabras do presidente, e que ten como obxectivo “proxectar os valores que transmiten as persoas con discapacidade e as entidades que os representan”. “O seu traballo é imprescindible -incidiu- para entender a sociedade no seu conxunto, en igualdade, plena de dereitos e de obrigas”, asegurou.

O CERMI-Galicia está formado por dez entidades, entre elas Autismo Galicia, que participa na exposición cunha mostra da campaña ‘Persoas con ForTEAlezas´ que se plasmou no Calendario 2016 con fotografías de doce usuarios de entidades pertencentes a federación.

Durante a inauguración á que asistiron a presidenta de Autismo Galicia, María José Álvarez Folgar, a directora xerente, Patrica Blanco Riveiro e a responsable de Atención Socio-Familiar da FAG, Cristina Couto, o presidente da Xunta de Galicia asegurou que “as persoas con capacidades diferentes son e seguirán a ser unha das prioridades a nivel social do Goberno galego, como pon de manifesto o incremento, nun 8%, dos orzamentos destinados a lograr a plena inclusión das persoas con discapacidade, ata situarse nun total de preto de 103 millóns de euros. “Estamos a falar, en definitiva, duns orzamentos para as políticas de discapacidade en Galicia que soben máis do dobre do que se incrementan as políticas globais da comunidade”, aseverou.

 

Última actualizaciónfeita en Martes, 19 Decembro 2017 11:59

Páxina 6 de 119

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.