autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

A Xunta instala máis de 200 pictogramas en San Caetano para facilitar a súa accesibilidade

Correo-e Imprimir PDF

O día 9 de Xaneiro, celebrouse o acto de presentación da instalación de mais de 200 pictogramas no Edificio Administrativo de San Caetano da Xunta de Galicia realizado en colaboración coa  Federación Autismo Galicia ,  baixo o lema :  “Por un Entorno social amigable e comprensible”.

Estiveron presentes, Fabiola García, Conselleira  de Política Social, o Vicepresidente da Xunta de Galicia, Don Alfonso Rueda, xunto coa Presidenta de Autismo Galicia, Mª José Álvarez e a xerente Patricia Blanco.

Para a Federación Autismo Galicia e cantos a integran dende as asociacións de familiares e persoas con trastorno do espectro do autismo a adopción de medidas como a que presentamos son fundamentais para avanzar na inclusión e a participación na sociedade das persoas con trastorno do espectro do autismo. Alfonso Rueda, insistiu en que “esta debería de ser unha medida absolutamente normalizada, estas persoas teñen dereito a acceder a todos os servizos administrativos”.

Parte do traballo da Federación Autismo Galicia é aunar esforzos coa comunidade para romper as distintas barreiras cognitivas e de comunicación que atopan as persoas con autismo.

É necesario adoptar diferentes medidas necesarias e axustes razoables para a adecuación de espazos ou servizos que permitan a participación de todas as persoas en igualdade de condicións.

Ademais de axudar no plano práctico, facendo do edificio de San Caetano un entorno máis comprensible e amigable, a adaptación dos espazos de atención ao público, outorga visibilidade a este colectivo e constitúe unha notable acción de sensibilización.

O proxecto xera a súa vez, formación, información e coñecemento para os profesionais dos departamentos adaptados do Edificio Administrativo de San Caetano, na comprensión do autismo, na conciencia das súas necesidades e nas medidas de comunicación que poden contribuír a accesibilidade cognitiva non so do entorno, senón tamén dos servizos da administración.

O proxecto de adaptación con 218 pictogramas de procedencia do portal aragonés Arasaac, suma esforzos na mellora da accesibilidade para todos, que a Federación Autismo Galicia ven facendo con case 10000 pictogramas en diferentes espazos en contornas sociais, como pavillóns, centros culturais, centros educativos e na contorna sanitaria como no Hospital Clínico de Santiago Hospital Materno Infantil, Álvaro Cunqueiro, o complexo Universitario de Ourense ou nos 33 centros de saúdos das diferentes EOXI da nosa comunidade.

Rueda avanzou que a instalación de estos 218 pictogramas será "so o principio. A nosa obligación, por coherencia, é ir estendendo a todos os edificios da Xunta".

Última actualizaciónfeita en Xoves, 10 Xaneiro 2019 12:04

Aberta a inscrición na III edición dos cursos formativos sobre Educación no ámbito do TEA

Correo-e Imprimir PDF

PROGRAMA DE FORMACIÓN FEDERACIÓN AUTISMO GALICIA. Abordaxe do TEA no ámbito educativo

 

A Federación Autismo Galicia organiza no primeiro cuatrimestre do 2019 a III Edición dos cursos de formación nos que se aborda o tratamento das persoas con TEA dende a prespectiva da Educación. Están dirixidos a profesionais do ámbito educativo como mestres, educadores, orientadores, coidadores... que non pertenzan a entidades asociadas á federación.

Os tres cursos serán impartidos por Marlene Horna Castiñeiras. Licenciada en Psicoloxía, Diploma de Estudos Avanzados e Master en Atención Temperá. Conta con máis de 15 anos de experiencia no ámbito dos Trastornos do Espectro do Autismo. Posúe ampla experiencia como docente, adquirida en numerosos cursos promovidos por diversas institucións, universidades e asociacións. Na actualidade traballa de forma autónoma en entornos  naturais e na Asociación Bata.


TARIFA REDUCIDA realizando a INSCRICIÓN NOS TRES CURSOS

AS PRAZAS OUTORGANSE POR RIGUROSO ORDEN DE INSCRICIÓN. TEÑEN PREFERENCIA OS QUE SE APUNTEN AOS TRES CURSOS.

 

 

PRIMEIRO CURSO: 'Apoios visuais como ferramente de intervención nos Trastornos do Espectro do Autismo'.

OBXECTIVO
Que os participantes no curso aprendan como intervir e axudar ás persoas con TEA en diversos contextos empregando diferentes tipos de apoios visuais.

DATA DE CELEBRACIÓN
23/02/2019

LUGAR
Santiago de Compostela
Centro Abanca. Edificio IESIDE. Rúa Nova 33. Santiago de Compostela  

 

SEGUNDO CURSO: 'Habilidades sociais en persoas con Trastorno do Espectro do Autismo'.

OBXECTIVO
Que os participantes no curso adquiran recursos e ferramentas para ensinar ás persoas con TEA a desenvolverse socialmente.

DATA DE CELEBRACIÓN
09/3/2019

LUGAR
Santiago de Compostela
Centro Abanca. Edificio IESIDE. Rúa Nova 33. Santiago de Compostela  

 

TERCEIRO CURSO: 'Intervención sobre as condutas inadecuadas en persoas con TEA'.

OBXECTIVO:
Que os participantes no curso entendan por que se producen e mantéñense as condutas inadecuadas no contexto escolar ordinario. Saber que detrás destes comportamentos existe un motivo que aprenderemos a descubrir e analizar para así planificar e intervir de forma proactiva.
Aprenderanse diferentes estratexias para resolver estes problemas tanto a través do ensino de habilidades ao alumno como a través de adaptacións na contorna, xa sexan de tipo físico, metodolóxico, social ou outros. Aínda así, ás veces chegamos tarde e a crise desencadéase polo que tamén aprenderemos que facer e que non facer nestas situacións.

DATA DE CELEBRACIÓN
06/4/2019

LUGAR
Santiago de Compostela
Centro Abanca. Edificio IESIDE. Rúa Nova 33. Santiago de Compostela

 

 

Última actualizaciónfeita en Xoves, 17 Xaneiro 2019 11:13

PROGRAMA DE FORMACIÓN DA FEDERACIÓN AUTISMO GALICIA

Correo-e Imprimir PDF

 

PROGRAMA DE FORMACIÓN DA FEDERACIÓN AUTISMO GALICIA


O servizo de formación pretende dar resposta ás necesidades de distintos colectivos ligados aos TEA ben por seren familiares, ben por traballar con estas persoas ou por querer comezar a facelo.

EN BREVE ABERTO PRAZO DE MATRÍCULA.

En Autismo Galicia desenvolvemos actividades formativas para:

Profesionais:

Formación dirixida a profesionais interesados en formarse no ámbito do autismo. A súa finalidade é formar e divulgar o coñecemento sobre os TEA.

Persoas desempregadas:

Formación específica dirixida a persoas traballadoras desempregada no ámbito dos TEA. A súa finalidade é mellorar as súas posibilidades de inclusión laboral.

Voluntarios:

Formación dirixida a voluntarios e voluntarias e persoas interesadas nas labores de voluntariado. A súa finalidade é acadar unha maior integración do voluntario na entidade e mellorar a súa cualificación para facilitar o seu traballo.

Capacitación dos RRHH:

Formación dirixida ao persoal técnico da Federación Autismo Galicia. A súa finalidade é actualizar os seus coñecementos e mellorar a súa capacitación profesional.

Última actualizaciónfeita en Venres, 04 Xaneiro 2019 13:55

Accesibilidade no Concello de Sada coa implantación de 819 pictogramas.

Correo-e Imprimir PDF

O Concello de Sada únese ao Proxecto de Accesibilidade Cognitiva de Autismo Galicia coa colocación de  pictogramas en espazos  municipais.

PICTOGRAMAS, QUE FACILITAN A VIDA ÁS PERSOAS.

Os edificios públicos do  Concello de Sada son, a partir de hoxe, máis comprensibles para as persoas con Trastorno do Espectro do Autismo (TEA) grazas ao Programa de Accesibilidade  Cognitiva promovido pola Federación Autismo Galicia.

 

Da  man de Isabel Reimúndez Suárez, da Concellería de  Benestar Social e  Igualdade, en colaboración  coa Federación Autismo Galicia.

A implantación de 819 pictogramas realizouse nos seguintes espazos:  Edificio  de  servizos administrativos, OMIX, Casa de Cultura e biblioteca, Casa  do  Concello,  Xulgado de paz, Oficina de Turismo Centro de  servizos sociais e aulas colindantes, Pavillón polideportivo, Campo de Fútbol “ As  mariñas”, Piscina municipal,  Ceip- IES O Mosteiron, Centro de Día (Mondego),  Ceip  Barrie da Maza, CEIP “ Sada e os seus contornos”,  EEI  Carnoedo,  EEI  Galiña Azul ( Mondego), IES Isaac Diaz Pardo e  EEI  Florita.

O proxecto realizado no Concello de Sada supón un esforzo pola sensibilización e concienciación sobre as persoas con Trastorno do Espectro do Autismo e as súas dificultades cognitivas e de comunicación.

 

 

As persoas con Trastornos  do Espectro  do Autismo (TEA) son pensadores visuais, polo que comprenden mellor a información que se presenta de forma visual. Por iso, para facer a súa contorna máis accesible nos axudamos de apoios visuais, pictogramas, que son debuxos sinxelos que representan espazos e accións de maneira simplificada.

Os pictogramas supoñen para as persoas con autismo, persoas maiores ou mesmo estranxeiros, claves visuais claras e seguras que lles sitúan no espazo e no tempo e anticípanlles os feitos que van ocorrer, o que lles conduce cara a un estado de benestar e seguridade.

 

 

Última actualizaciónfeita en Luns, 31 Decembro 2018 11:48

Páxina 6 de 130

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.