autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

ACTO INSTITUCIONAL DA FEDERACIÓN AUTISMO GALICIA na Rede Museística de Lugo.

Correo-e Imprimir PDF

 

ACTO INSTITUCIONAL DA FEDERACIÓN AUTISMO GALICIA na Rede Museística de Lugo co gallo do DÍA MUNDIAL da CONCIENCIACIÓN SOBRE O AUTISMO

INAUGURACIÓN DA MOSTRA UN DE CEN #1de100 no Museo Provincial de Lugo

DATA: Luns, 1 de abril de 2019, de 13:00h a 14:00h.

 

No marco da celebración do día Mundial do Autismo a mostra UN DE CEN será inagurada na Rede Museística de Lugo, no seus 4 museos simultaneamente.

A inauguración e o acto poñen en relevancia a importancia das diversas accións do tecido asociativo galego das persoas con Trastorno do Espectro do Autismo, a función  de cohesión e representación da Federación Autismo Galicia na labor de recoñecemento das necesidades das persoas con Tea e as súas familias, e a interlocución  continua que mantemos coa administración e con outros axentes políticos e socias.

Incluír como estratexia de acción a Inauguración da Mostra 1de100, e darlle o tratamento que require neste marco e nun día que ten que incidir na visibildade das persoas con TEA e as súas familias, así como a reflexión duna sociedade máis xusta coa diversidade.

 

 

Programa do Acto

 

12:45.- Chegada dos invitados.

13:00.- Comezo do acto  que será conducido por as  correspondentes representantes da Deputación de Lugo da área de Cultura e Asuntos Sociais.

 

  • Palabras da Psicóloga da Federación Autismo Galicia, Cristina Couto.
  • Lectura do Manifesto do #DíaMundialAutismo pola directiva da Asociación Capaces Lugo, Ángeles Fernández.
  • Palabras da representante da Xunta directiva da Federación Autismo, Galicia Marisol García Penalta.
  • Peche do acto a cargo das correspondentes representantes da Deputación de Lugo da área de Cultura e Asuntos Sociais.
  • Breve visita guiada a mostra a cargo de Adriana Pazos encargada de Comunicación da Federación Autismo Galicia.

 

13:45h.- Previsión de remate do acto

 

 

Última actualizaciónfeita en Venres, 29 Marzo 2019 17:05

A FEDERACIÓN AUTISMO GALICIA en colaboración coa UNIVERSIDADE DE SANTIAGO DE COMPOSTELA continúa o cilco de conferencias do proxecto UN DE CEN na Facultade de Ciencias da Educación.

Correo-e Imprimir PDF
CONFERENCIA: O TRASTORNO DO ESPECTRO DO AUTISMO NO ÁMBITO EDUCATIVO

O 27 de Marzo, o proxecto “Un de Cen. Comprendendo o espectro” , que estÁ a formar a futuros profesionais nas tres Universidades Galegas, seguirá o seu desenvolvemento do ciclo de conferencias, na  Facultade de Ciencias da Educación.

 

 

A conferencia “O TRASTORNO DO ESPECTRO DO AUTISMO NO ÁMBITO EDUCATIVO” será impartida por Alba Vázquez, mestra de pedagoxía terapéutica e Cristina Couto, psicóloga.

Nela darán a coñecer o Trastorno do espectro do autismo e os recursos  de derivación, apoio e orientación existentes internos e externos aos centros educativos.

 

Lugar: Facultade de  Ciencias da Educación, Campus Norte

Hora: 9 a 10:30 horas.

 

 

 

Un de Cen. Comprendendo o espectro.

É un proxecto integral que combina o trinomio INFORMACIÓN, SENSIBILIZACIÓN e FORMACIÓN , que xorde ante a necesidade de crear unha chamada de atención cara as necesidades e realidade das persoas con Trastorno do Espectro do Autismo, contribuíndo a xerar unha mirada máis ampla e profunda en torno á súa singularidade.

O ciclo de conferencias é unha proposta de achegamento directo das necesidades específicas das persoas con TEA aos futuros profesionais e docentes no ámbito universitario.

A través da execución de conferencias nas aulas, impartidas por profesionais da Federación Autismo Galicia, establécense accións encamiñadas a tecer redes de cooperación entre a Universidade, a Federación Autismo Galicia e os profesionais que a compoñen.

POR QUE UN de CEN?

Esta formación específica é máis que necesaria tendo en conta a prevalencia actual, de 1 caso de Tea por cada 100 nacementos, cun incremento potencial segundo recentes estudos.

Se temos en conta as necesidades básicas dunha persoa ao longo da súa vida e aspiramos a cubrilas na medida do posible, atopámonos con que as persoas con TEA ven mermada a súa calidade de vida. Tamén ven mermado o acceso a ser-vizos e apoios básicos cando devanditos servizos non se adaptan ás necesidades específicas das súas distintas etapas vitais.

Estas necesidades básicas que se ven vulneradas son, por exemplo, a súa opor-tunidade de aprendizaxe, de inclusión social, de desenvolvemento persoal, aten-ción médica, etc.

 

Dende Autismo Galicia traballamos para ofrecer a formación máis adaptada e actualizada posible, a túa opinión é importante para nos. Neste enlace poderás encontrar unha breve enquisa sobre a conferencia impartida do ciclo formativo "UN DE CEN, comprendendo o espectro", realizala só levará uns minutos. Grazas!

ENLACE ENQUISA DE SATISFACCIÓN



 

 

Última actualizaciónfeita en Martes, 26 Marzo 2019 12:00

ACCIÓN FORMATIVA a cargo da Fedederación Autismo Galicia "O TRASTORNO DO ESPECTRO DO AUTISMO"

Correo-e Imprimir PDF
ACCIÓN FORMATIVA SOBRE O TRASTORNO DO ESPECTRO DO AUTISMO.

Imparte a Federación Autismo Galicia, en colaboración e co apoio da Escola Galega de Saúde para cidadáns.

.
CONTIDOS XERAIS

1. Características xerais sobre o TEA Introdución o estudo dos TEA. Unha aproximación conceptual. Definición e características Falsas crenzas Prevaleza Causas Sinais de alerta-primeiras sospeitas Diagnóstico especializado Decisións inmediatas tras o diagnóstico
2. O TEA nas distintas etapas evolutivas Primeira infancia (0-3 anos) Idade escolar (3-12 anos) Adolescencia Adultos
3. As necesidades das persoas con TEA 4. A contorna familiar do neno con TEA Necesidades da familia e orientacións Pais Irmáns Outra familia e amigos.

OBXECTIVOS
Difundir o coñecemento sobre o autismo en relación as súas caracteristicas, causas, intervención e formas eficaces de apoio as persoas con TEA e as súas familias.
Periodo de Docencia 09/05/2019 - 09/05/2019

Periodo de Inscrición 29/01/2019 - 09/05/2019

DATAS
O DÍA 9 DE MAIO DO 2019
LUGAR
HOSPITAL UNIVERSITARIO LUCUS AUGUSTI (LUGO) , AULA 304
INSCRICIÓNS: https://extranet.sergas.O TRASTORNO DO ESPECTRO DO AUTISMO.

Última actualizaciónfeita en Luns, 25 Marzo 2019 18:38

SAÚDE ORAL no Día Mundial da LOGOPEDIA

Correo-e Imprimir PDF
A Federación Autismo Galicia participa na celebración do DÍA MUNDIAL DA LOGOPEDIA


Desde o CPLOL o Comité de Terapeutas da Fala e a Linguaxe / Logopedistas na Unión Europea, dedicaron o seu #DiaMundialLogopedia ao Trastorno do Espectro do Autismo.

Participamos na iniciativa do Colegio Profesional de Logopedas de Galicia, na Xornada  AlimenTEA, un encontro que fixo un percorrido polo coñecemento das dificultades orales que pode presentar unha persoa con TEA

Desde Autismo Galicia presentamos o traballo que realizamos en relación á mellora da saúde bucodental dos pacientes con autismo. Medidas necesarias polas dificultades que moitas persoas con TEA atópanse á hora de acceder aos servizos sanitarios.

 

 

MELLORA DA SAÚDE BUCODENTAL DOS PACIENTES CON TEA


Temos que ter en conta que a protección da saúde e o dereito a unha asistencia sanitaria eficaz e satisfactoria é  un elemento esencial das sociedades e fundamental para o desenvolvemento dos demais dereitos, sobre todo para alcanzar unha vida social plena e participativa.

Con todo, desde o punto de vista das persoas con autismo o coidado da saúde e a atención sanitaria segue atopando moitas barreiras que dificultan a plenitude do seu dereito.

As características propias das persoas con autismo, entre elas, as particularidades sensoriais, cognitivas, emocionais,  perceptivas  de respostas á dor e dificultades para identificar outras sensacións corporais  ,(das cales xa se falou anteriormente),  poden provocar que alteracións na saúde poden pasar desapercibidas, que problemas de saúde detéctense tarde,( cando xa se complicaron), ou que a atención sanitaria resulte moi difícil para a persoas con autismo.

Estas dificultades esixen que eliminemos unha serie de barreiras que non son puramente arquitectónicas e que, coa súa presenza, fan máis complicada e disfuncional a súa vida.

 

 

O TRABALLO DA FEDERACIÓN AUTISMO GALICIA


No exercicio desta responsabilidade, as propostas de traballo que desde a Federación  Autismo Galicia realízanse procuran equiparar ás persoas con  TEA ao resto dos pacientes do Sistema Galego de Saúde mediante a introdución de medidas que contribúan a superar as barreiras xa comentadas. O noso obxectivo, non é só promover a introdución de melloras que garantan o proceso de comunicación entre o paciente e os profesionais sanitarios, senón que queremos ir máis aló e contribuír á mellora da saúde dos pacientes con autismo, evitando a renuncia á asistencia sanitaria ou un menor control sobre a mesma, así como propoñer unha atención médica lonxitudinal.

Neste sentido desde a nosa entidade propoñémonos desenvolver de forma específica un programa de mellora na atención sanitaria ao paciente con  TEA que basea a súa metodoloxía de traballo, por unha banda, na coordinación e colaboración interna, a través dunha comisión de sanidade na que se integran as asociacións federadas, e por outro, na coordinación cos servizos centrais do SERGAS e a colaboración cos seus profesionais .

 

 

Esta metodoloxía é fundamental porque entendemos, que desde a  retroalimentación e intercambio de coñecemento, a especialización dos profesionais sanitarios e as experiencia das persoas con autismo e asociacións, é posible avanzar na calidade da asistencia sanitaria e construír un sistema sanitario e unha asistencia con máis valor. Todo iso  enmárcase no plan de accesibilidade da Federación Autismo Galicia e no próximo plan de humanización do SERGAS.

Elaboramos protocolos de atención sanitaria ao paciente con autismo e fichas de información para profesionais sanitarios onde se recollen as características do paciente e as súas dificultades de procesamento sensorial. Avanzamos na mellora da compresión do espazo sanitario a través de  pictogramas e secuencias de anticipación, así como participado na descrición de protocolos de atención ao paciente dentro do ambiente hospitalario.

 

Outras das liñas de traballo que iniciamos en Autismo Galicia é a formación de profesionais sanitarios e colaboracións en E- Saúde, onde existen contidos sobre saúde interactivos  cuxo  obxectivo é achegar coñecemento á plataforma.

Por todo isto  a humanización do sistema pasa por medidas que, en liñas xerais, son coincidentes con outras asociacións de pacientes, e que pasarían por un desenvolvemento específico en determinados aspectos relacionados con dificultades mencionadas, pero que aínda así beneficiarían a outras persoas, especialmente aquelas con dificultades cognitivas e de comunicación.

 

 

COLABORACIÓN CA  EOXI DA CORUÑA E A UNIDADE DE SAÚDE BUCODENTAL DO CENTRO DE SAÚDE DE SAN JOSÉ.

A colaboración coa  EOXI da Coruña e a unidade de saúde bucodental Centro de saúde de San José incidiu en diversos puntos que mellorarán a calidade de vida dos pacientes e garantisen melloras no  bo desenvolvemento dos tratamentos para levar a cabo. Estes puntos son:

 

Última actualizaciónfeita en Luns, 18 Marzo 2019 11:25

Páxina 5 de 133

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.