autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Guía ELECCIÓNS MUNICIPAIS E EUROPEAS DO 26 DE MAIO 2019

Correo Imprimir PDF
No hay traducciones disponibles.

 

 

 

icon Guía ELECCIÓNS MUNICIPAIS E EUROPEAS DO 26 DE MAIO 2019

 

Esta guía nace da necesidade de adaptar os procesos e espazos electorais a cidadanía para que poidan exercer con plenitude o seu dereito ao voto, seguindo o artigo 21 da Declaración Universal dos Dereitos Humanos.

A finais do ano pasado (BOE do 6 de decembro de 2018 ) o Boletín Oficial do Estado publicou a Lei Orgánica de modificación da Lei do Réxime Electoral Xeral (Loreg), que permite a todas as persoas con discapacidade, sen exclusións, exercer o seu dereito a voto.

Nas eleccións municipais e europeas que se celebrarán o vindeiro domingo 26 de maio votarán por primeira vez as persoas con TEA que estaban incapacitadas xudicialmente, sendo o obxectivo da Federación Autismo Galicia facilitar a súa participación e garantir o seu dereito ao voto.

Mediante a elaboración dunha guía práctica adaptada e apoiada con pictogramas, pretendemos facilitar a comprensión daquelas persoas que se benefician de apoios visuais.

A fonte destes pictogramas é ARASAAC (Portal Aragonés da Comunicación Alternativa e Aumentativa) e poden atoparse instrucións para o seu uso e colocación na guía de descarga gratuíta editada pola Federación “Comprendo o meu entorno”

Para facer máis eficaz este dereito debemos adaptar os procesos ás diferentes necesidades que poidan presentar as persoas con discapacidade ou con calquera tipo de dificultade ou trastorno. O primeiro paso é eliminar as barreiras tanto arquitectónicas como cognitivas ( accesibilidade universal) que permitan un acceso pleno ao exercicio do voto.

A accesibilidade é unha característica dun espazo ou servizo que fai que calquera persoa poida utilizalo de forma autónoma, independentemente dás súas particularidades físicas, sensoriais ou intelectuais.

A accesibilidade cognitiva abarca todas aquelas estratexias que axudan a que as persoas que presentan necesidades derivadas de procesos cognitivos diferentes poidan acceder á información e procesala para utilizala na súa adaptación ao medio.

No caso das persoas con TEA, unha área de especial dificultade é o procesamento da información que vén da contorna social e a interacción con outras persoas. Por iso, é importante levar a cabo unha mellora da sinalización dos espazos e a secuencia de acción a realizar en cada un deles, como se propón na guía descargable para estas eleccións municipais e europeas.

Apertas e a votar!!

Última actualización en Viernes, 24 de Mayo de 2019 13:32

AUTISMO GALICIA IMPARTE FORMACIÓN na Escola de TRABALLO SOCIAL

Correo Imprimir PDF
No hay traducciones disponibles.

 

AUTISMO GALICIA IMPARTE FORMACIÓN na Escola de TRABALLO SOCIAL
Conferencia: O TEA dende a perspectiva do traballo Social.

 

Lugar: Escola Universitaria de Traballo Social

Data:   9:30 a 11:00 horas

Relatoras: Inés Sánchez e Cristina Couto Federación Autismo Galicia


As persoas con TEA  e as súas familias van  a estar influenciadas pola posibilidade de acceso á intervención e apoios adecuados máis próximos dada á súa situación para a mellora das súas necesidades e benestar socio-emocional.

Polo que, dende Autismo Galicia, queremos trasladar ó alumnado da Escola Universitaria de Traballo Social o coñecemento específico e especializado entorno ó TEA e  tratar a importancia do papel do traballador/a social como axente canalizador entre a familia ou persoa con TEA e a coordinación con outros axentes da contorna.

 

PROGRAMA

O proxecto 1 de 100.

Quen somos

TEA

  1. Estudo do TEA: Características das persoas con TEA, sinais de alarma, Prevalencia e etioloxía do TEA
  2. Situación das persoas con TEA en España
  3. Discapacidade e dependencia no autismo.

 

Traballo social no Terceiro Sector

  • Federación

Servizo de atención socio familiar

Proxectos

  • Asociacións

Coordinación: Traballo social na Administración pública

Coordinación: Traballo social en entidades privadas

Recursos

Bibliografía

 

Un de Cen. Comprendendo o espectro.

É un proxecto integral que combina o trinomio INFORMACIÓN, SENSIBILIZACIÓN e FORMACIÓN , que xorde ante a necesidade de crear unha chamada de atención cara as necesidades e realidade das persoas con Trastorno do Espectro do Autismo, contribuíndo a xerar unha mirada máis ampla e profunda en torno á súa singularidade.

O ciclo de conferencias é unha proposta de achegamento directo das necesidades específicas das persoas con TEA aos futuros profesionais e docentes no ámbito universitario.

A través da execución de conferencias nas aulas, impartidas por profesionais da Federación Autismo Galicia, establécense accións encamiñadas a tecer redes de cooperación entre a Universidade, a Federación Autismo Galicia e os profesionais que a compoñen.

POR QUE UN de CEN?

Esta formación específica é máis que necesaria tendo en conta a prevalencia actual, de 1 caso de Tea por cada 100 nacementos, cun incremento potencial segundo recentes estudos.

Se temos en conta as necesidades básicas dunha persoa ao longo da súa vida e aspiramos a cubrilas na medida do posible, atopámonos con que as persoas con TEA ven mermada a súa calidade de vida. Tamén ven mermado o acceso a ser-vizos e apoios básicos cando devanditos servizos non se adaptan ás necesidades específicas das súas distintas etapas vitais.

Estas necesidades básicas que se ven vulneradas son, por exemplo, a súa opor-tunidade de aprendizaxe, de inclusión social, de desenvolvemento persoal, aten-ción médica, etc.

 

Dende Autismo Galicia traballamos para ofrecer a formación máis adaptada e actualizada posible, a túa opinión é importante para nos. Neste enlace poderás encontrar unha breve enquisa sobre a conferencia impartida do ciclo formativo "UN DE CEN, comprendendo o espectro", realizala só levará uns minutos. Grazas!

 

ENLACE ENQUISA DE SATISFACCIÓN

Última actualización en Miércoles, 08 de Mayo de 2019 12:05

PROGRAMA DE FORMACIÓN: APOIOS VISUAIS PARA MELLORAR A VIDA DAS PERSOAS CON TEA E ÁS SÚAS FAMILIAS

Correo Imprimir PDF
No hay traducciones disponibles.

 

CURSO APOIOS VISUAIS PARA MELLORAR A VIDA DAS PERSOAS CON TEA  E ÁS SÚAS FAMILIAS


ENLACE DE INSCRICIÓNS

Algunha vez fixécheste algunha das seguintes preguntas: pero se utilizo apoios visuais non se volverá máis vago?; como podo facer para que non lle afecten tanto os cambios?; por que non me fai caso por máis que lle ensino o pictograma?; que é mellor, utilizar fotos ou pictogramas?; por que seguimos tendo tantos problemas se lle anticipamos tódalas actividades?; por que faime caso soamente cando o debuxei se entendeume perfectamente ao dicirllo con palabras?;  como podo saber se segue precisando este apoio visual?; etc.

No curso daremos resposta a estas e a outras moitas interrogantes sobre o bo e mal uso dos apoios visuais, e de que maneira podemos utilizalos para axudar ao noso fillo a vivir máis tranquilo, aprender cousas, ser máis flexible, auto regular o seu comportamento, relacionarse mellor con outras persoas, etc., dende un enfoque práctico a través de numerosos exemplos.

 

PROGRAMA

 

  1. Comprender para apoiar mellor á persoa no espectro.
  2. Pensadores e aprendices visuais.
  3. Comprendendo porqué xorden as conductas problemáticas.
  4. Apoios visuais para axudar a comprender o espazo e o tempo.
  5. Apoios visuais para traballar  a flexibilidade ante os cambios e entender e respectar as normas.
  6. Apoios visuais para fomentar a autonomía e independencia.
  7. Apoios visuais para mellorar as relacións cos demais.

 

 

Destinatarios: o curso está destinado exclusivamente a familias de persoas con TEA, tendo preferencia as familias socias das entidades asociadas á Federación Autismo Galicia.

Número de prazas: 35

Data de realización: 08/06/2019

Horario: de 10:00 a 14:00 e de 15:30 a 18:30

Lugar de realización: Centro Abanca , Edificio IESIDE. Rúa Nova nº 33, Santiago de Compostela

Prazo de Inscrición: Ata o 21 de maio de 2019

Prezo: 65€.

Familias das entidades asociadas á Federación Autismo Galicia: 12€

 

Docente: Marlene Horna Castiñeiras

 

Última actualización en Lunes, 06 de Mayo de 2019 13:54

A atención á diversidade: o alumno con TEA. Proyecto UN DE CEN.

Correo Imprimir PDF
No hay traducciones disponibles.

 

 

PROXECTO UN DE CEN # 1de100.
SENSIBILIZACIÓN / INFORMACIÓN / FORMACIÓN

 

"A atención á diversidade: o alumno con TEA"

Conferencia do día 7 de Maio na Facultade de Educación da USC (Campus Sur)

"Entendendo a pedagoxía como ámbito fundamental de atención á diversidade, desde a Federación tratamos de achegar aos futuros profesionais un coñecemento específico sobre o Trastorno do Espectro do autismo, abordando as primeiras sinais de alarma e os diferentes servizos de derivación, promovendo unha detección precoz e unha atención temperá.

Trataremos o desenvolvemento, as potencialidades e os estilos de aprendizaxe das persoas con #TEA, centrándonos na aplicación de diferentes metodoloxías e recursos ,pretendendo ofertar unha primeira resposta a estas necesidades no ámbito educativo.
Para isto contamos con profesionais en activo de asociacións e centros próximos, como neste caso o CEE Duques de Lugo de Aspanaes.

 

Día: 7 de Maio

Lugar: Facultade de Ciencias da Educación. Campus Sur.

Hora: 12:15 horas a 14 horas.

Relatores:  Alba Vázquez  e Cristina Couto , Federación Autismo Galicia

Alberto Silva, Aspanaes.

 

Un de Cen. Comprendendo o espectro.

É un proxecto integral que combina o trinomio INFORMACIÓN, SENSIBILIZACIÓN e FORMACIÓN , que xorde ante a necesidade de crear unha chamada de atención cara as necesidades e realidade das persoas con Trastorno do Espectro do Autismo, contribuíndo a xerar unha mirada máis ampla e profunda en torno á súa singularidade.

O ciclo de conferencias é unha proposta de achegamento directo das necesidades específicas das persoas con TEA aos futuros profesionais e docentes no ámbito universitario.

A través da execución de conferencias nas aulas, impartidas por profesionais da Federación Autismo Galicia, establécense accións encamiñadas a tecer redes de cooperación entre a Universidade, a Federación Autismo Galicia e os profesionais que a compoñen.

POR QUE UN de CEN?

Esta formación específica é máis que necesaria tendo en conta a prevalencia actual, de 1 caso de Tea por cada 100 nacementos, cun incremento potencial segundo recentes estudos.

Se temos en conta as necesidades básicas dunha persoa ao longo da súa vida e aspiramos a cubrilas na medida do posible, atopámonos con que as persoas con TEA ven mermada a súa calidade de vida. Tamén ven mermado o acceso a ser-vizos e apoios básicos cando devanditos servizos non se adaptan ás necesidades específicas das súas distintas etapas vitais.

Estas necesidades básicas que se ven vulneradas son, por exemplo, a súa opor-tunidade de aprendizaxe, de inclusión social, de desenvolvemento persoal, aten-ción médica, etc.

 

Dende Autismo Galicia traballamos para ofrecer a formación máis adaptada e actualizada posible, a túa opinión é importante para nos. Neste enlace poderás encontrar unha breve enquisa sobre a conferencia impartida do ciclo formativo "UN DE CEN, comprendendo o espectro", realizala só levará uns minutos. Grazas!

 

ENLACE ENQUISA DE SATISFACCIÓN

Última actualización en Lunes, 06 de Mayo de 2019 07:48

Página 1 de 132

Este sitio utiliza cookies para mejorar la experiencia de usuario. Si no cambia la configuración de su navegador, Ud. acepta su uso. + INFO.