Noticias
© Federación Autismo Galicia | 25/04/2024 | Autismo Galicia contribúe á capacitación do alumnado da Escola de Enfermería de Ourense, na comunicación e atención ao paciente con TEA.
Autismo Galicia contribúe á capacitación do alumnado da Escola de Enfermería de Ourense, na comunicación e atención ao paciente con TEA.
Mais de 50 futuros profesionais de enfermería de Ourense asisten ao curso de formación coa Federación Autismo Galicia.
Mais de 50 futuros profesionais de enfermería de Ourense asisten ao curso de formación coa Federación Autismo Galicia.
25/04/2024
Cristina Couto, psicóloga e coordinadora de programas na Federación Autismo Galicia, foi a encargada de impartir un curso dirixido a estudantes da Escola de Enfermería de Ourense da Universidade de Vigo na docencia en saúde mental.
Máis de 50 alumnos e alumnas asistiron a esta actividade, que tiña como obxectivo principal promover o coñecemento sobre o Trastorno do Espectro do Autismo (TEA) e abordar de maneira práctica as dificultades que enfrontan as persoas con TEA e as súas familias no acceso aos servizos sanitarios.
Durante a xornada, os estudantes tiveron a oportunidade de familiarizarse cos recursos e materiais da Colección de Saúde de Autismo Galicia que poden resultar útiles para pacientes con TEA, as súas familias e profesionais do ámbito sanitario.
Realizáronse dinámicas de Role play para reflexionar sobre o papel que desempeñarán como futuros profesionais, coñecer como detectar a través das ferramentas de cribado dentro do programa de vixilancia no neno san. Ademais de revisar iniciativas desenvolvidas en diversas áreas sanitarias dentro do programa de atención sanitaria e saúde da Federación Autismo Galicia, así como os programas da súa rede de entidades, destinados a mellorar os coidados de saúde das persoas autistas.
Destacouse a importancia de que, a través de estratexias e ferramentas sinxelas nas consultas, a atención e a comunicación, os profesionais de enfermería poidan mellorar o seu desenvolvemento profesional e ofrecer unha atención asistencial de maior calidade.
Financiado por: Convenio de Colaboración entre a Consellería de Sanidade- Servizo Galego de Saúde e a Federación Autismo Galicia para o desenvolvemento de actividades de formación, sensibilización e accesibilidade cognitiva no entorno sanitario.
Archivada en:
Infórmate > Noticias