© Federación Autismo Galicia | 14/12/2023 | Asociación TRASCOS. Xornada de portas abertas.

A Asociación TRASCOS abre as súas portas para celebrar os seus 10 anos. Xornada de portas abertas.

A Asociación TRASCOS celebrará unha Xornada de Portas Abertas para conmemorar unha década de impacto positivo na comunidade.

O vindeiro sábado 16 de decembro, a Asociación de familias, profesionais e Investigadores/as de Persoas con Trastorno do Espectro Autista (TRASCOS), cuxo obxectivo é axudar e mellorar a calidade de vida das persoas con Trastorno do Espectro Autista e das súas familias, celebrará unha Xornada de Portas Abertas para conmemorar unha década de impacto positivo na comunidade.

DATA E HORA: 16 de decembro de 11:30h a 13:30h

LUGAR: Calle Rúa Santo Domingo 35, entresuelo 1
32003 Ourense (OURENSE)

O Trastorno do Espectro Autista (TEA) é unha condición de orixe neurobiolóxico que acompaña á persoa ao longo de toda a súa vida e caracterízase por presentar dificultades en dúas áreas: a comunicación e interacción social e a flexibilidade de pensamento e comportamento.

A Asociación Trascos ofrece o seu apoio e brinda servizos esenciais que fomentan a inclusión e o benestar das persoas con TEA. Durante estes 10 anos, a asociación traballou incansablemente para derrubar barreiras e construír pontes para sensibilizar e concienciar á sociedade e para favorecer a intervención debidamente planificada dentro dunha escola inclusiva, baseada na mediación psicosocioeducativa.
Esta xornada será unha magnífica oportunidade para que as persoas coñezan de preto o traballo da asociación e para que os membros da mesma únanse e divírtanse a través das actividades programadas.

Na actualidade, lévanse a cabo intervencións específicas a través de diferentes programas de actuación, enfocadas no desenvolvemento psicosocioeducativo e na inserción laboral das persoas con TEA.
Algo que marcou a Trascos ao longo dos 10 anos é a súa capacidade única á hora de organizar as intervencións, adaptándose continuamente en función das necesidades específicas que presenta cada persoa con TEA.

Neste día, non só celébranse os logros, senón que tamén se establece unha visión para o futuro, presentando oficialmente a ampliación do local. Esta expansión permitirá á asociación ofrecer máis recursos e servizos, fortalecendo o seu compromiso de proporcionar apoio integral ás persoas con TEA e ás súas familias.

ESPERÁMOSVOS!!!

 

Volver