autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Participamos na Xornada de Presentación do estudo “Emprego e Trastorno do Espectro do Autismo. Un potencial por descubrir”

Correo-e Imprimir PDF

 

A Xornada tivo como obxectivo detectar prioridades e acordar propostas de actuación baseadas na experiencia compartida entre profesionais, tanto de organizacións vinculadas ao colectivo como pertencentes a ámbitos educativos, e persoas con TEA. O martes 8 de maio Ángela Goiricelaya, axente de emprego da Federación Autismo Galicia estivo a participar na Xornada de Presentación do estudo “Emprego e Trastorno do Espectro do Autismo. Un potencial por descubrir” convocada por Autismo España, formando parte da mesa de Análise de barreiras e facilitadores para a inclusión laboral das persoas con TEA.

 

Desde Autismo España e Autismo Galicia traballamos para dar resposta ás necesidades das persoas con TEA e as súas familias, porque entendemos queemprego constitúe un dereito fundamental, e recoñeceuse como un factor esencial que inflúe na mellora da calidade de vida, o desenvolvemento persoal e a participación plena de calquera persoa na sociedade ( Walsh,  Lydon e  Healy, 2014), incluíndo como é obvio ás persoas con discapacidade.

 

Desde finais do século  XX, diferentes organismos internacionais, como a Organización Internacional do Traballo (OIT), apoiaron a posta en marcha de diversos programas, propostas ou iniciativas específicas de impulso da incorporación ao mercado laboral das persoas con discapacidade e potenciaron modelos metodolóxicos dirixidos a promover a inclusión laboral destes colectivos.

Non cabe dúbida de que o emprego é unha medio clave na inclusión social, esencial para afrontar a vida adulta con autonomía e independencia, e que resulta imprescindible para o #gozar efectivo dos dereitos humanos e liberdades fundamentais (participación social, vida independente, etc.).

 

 

Dentro deste marco, as persoas con discapacidade, e en concreto, os homes e as mulleres con Trastorno do Espectro do Autismo (en diante  TEA) son un dos colectivos con maiores dificultades de participación comunitaria e acceso ao mercado laboral (Dudley, Nicholas,  Zwicker, 2015).

Neste sentido, a promoción do emprego das persoas con discapacidade non sempre foi unha área prioritaria para os interlocutores e axentes sociais e recibiu unha limitada atención durante moito tempo. Aínda que na actualidade existe un compromiso lexislativo para favorecer oportunidades de emprego para as persoas con discapacidade, o seu desenvolvemento efectivo é moi restrinxido nalgúns casos. Isto impacta directamente nos niveis de inclusión social e na calidade de vida das persoas con discapacidade, facendo que sexan moi fráxiles.

 

Última actualizaciónfeita en Venres, 11 Maio 2018 12:37

O Centro de Saúde San José súmase ás accións de humanización e accesibilidade cognitiva da súa contorna.

Correo-e Imprimir PDF

 

O Centro de Saúde San José, súmase ás medidas de humanización e accesibilidade cognitiva que a Xerencia de Xestión Integrada da Coruña iniciou en colaboración coa Federación Autismo Galicia no Hospital Teresa Herrera, co obxectivo de facilitar o acceso aos seus servizos sanitarios a pacientes con necesidades específicas de apoio, como son as persoas con trastorno do espectro do autismo.

 

No acto de presentación contoruse coa presenza  de Dn Luis Verde, xerente do Centro de Saúde San José, Dna María José Álvarez Folgar, presidenta da Federación Autismo Galicia, Patricia Blanco xerente da Federación, e a parte técnica, a psicóloga, Cristina Couto Pena e Teresa García Barcala, como Coordinadora da área de Saúde.

 

 

Sensibles ás necesidades das persoas con dificultades de comunicación, como son os pacientes con autismo, a Xerencia de Xestión Integrada da Coruña, en colaboración coa Federación Autismo Galicia iniciou o pasado ano, no Hospital Teresa Herrera, un proceso de humanización do Servizo de  Neurofisiología coa finalidade de facilitar a estes pacientes a realización da proba de  electroencefalografía.

 

Esta acción non só consistiu na instalación de sistemas alternativos e  aumentativos de comunicación,  pictogramas, nos seus espazos, senón tamén crear secuencias sobre os pasos para seguir para a realización desta proba, con  pictogramas, para que os pacientes puidesen coñecer previamente a mesma, familiarizarse con ela e superar as barreiras de rixidez cognitiva asociadas ao trastorno autista.

 

 

Última actualizaciónfeita en Venres, 11 Maio 2018 11:44

A CASIÑA X SOLIDARIA: UN SINXELO XESTO DE XENEROSIDADE.

Correo-e Imprimir PDF

 

A CASIÑA X SOLIDARIA: UN SINXELO XESTO DE XENEROSIDADE.

Grazas as achegas das persoas contribuíntes que marcan a casa 106 de Actividades de Interese Social: A  CASIÑA  XSOLIDARIA, na súa declaración da Renda, as ONG mediante os seus proxectos sociais axudan a 7 millóns de persoas en situación de vulnerabilidade no noso país.

Cando as cidadás e cidadáns marcan a casa “X Solidaria” elixen o destino dunha pequena parte dos seus impostos.

 

 

No exercicio 2017, grazas a achega da  XSolidara, a Federación Autismo Galicia e as súas entidades realizaron actividades  dirixidas a  mellorar a  empregabilidade das  persoas con  TEA,  contribuíndo  ao  funcionamento  do  servizo de  emprego de Autismo Galicia dentro  do PROGRAMA de INSERCIÓN SOCIOLABORAL PARA  PERSOAS CON  TEA.

O destino da  XSolidaria reforzou a implementación de distintos programas como o PROGRAMA de SENSIBILIZACIÓN realizándose diversas  accións  encamiñadas a  xerar  coñecemento sobre o TEA e promover a sensibilización da  sociedade para favorecer a  súa inclusión social e a das  súas familias.

 

 

PROGRAMA de AUTONOMÍA  PERSOAL e PROGRAMA de  APOIO E DESCANSO FAMILIAS,   grazas a esta achega,  realízanse actividades de respiro familiar e lecer terapéutico  nas que participan  persoas con  TEA   pertencentes as entidades federadas. Estas actividades  supoñen un tempo de descanso para os familiares e  coidadores  habituais e  permítelles  dispoñer de tempo para  outros aspectos da  súa vida.

Programas que  atenden realidades,  dirixidos a cobertura das necesidades básicas, da calidade de vida das  persoas e das  súas familias.


Última actualizaciónfeita en Venres, 20 Abril 2018 09:48

Peche da campaña do #DíaMundialAUTISMO

Correo-e Imprimir PDF

 

Como todos os anos a Federación Autismo Galicia e todas as entidades que a compoñen uníronse ás campañas convocadas desde a Confederación Autismo Europa e Autismo España, sumándose nunha axenda xeral que percorreu todo o territorio galego con actos Institucionais, conmememorativos e galas de convocatorias de sensibilización e apoio ás persoas con TEA.

 

Asociación Autismo Vigo, Aspanaes,Fundación Autismo Coruña, Asperga (Asociación Síndrome de Asperger Galicia), Asociación de Familias de Personas con TCS de Ourense "trascos", Capaces Lugo, Fundación Menela, Apacaf, Un Máis, Familias Azuis, APA Castro Navás, APA Menela, APA Os Mecos, Fundación Tutelar Camiño do Miño e a Federación Autismo Galicia,  participamos de forma activa na CAMPAÑA DE CONCIENCIACIÓN en Redes Sociais convocada dende Autismo España baixo o lema: "Rompamos xuntos barreiras polo autismo. Fagamos unha sociedade accesible”, compartindo fotos de familias, usuarios, prefesionais, facendo o xesto de romper as barreiras polo autismo.

 

 

O obxectivo desta campaña é visibilizar as barreiras as que se enfrontan as persoas con TEA e que a sociedade se implique e actúe para “romper as barreiras polo autismo e facer unha sociedade mais inclusiva e accesible”

 

Moitos edificios nas distintas localidades tingíronse de azul na CAMPAÑA LIGTH IT UP BLUE // ILUMÍNAO DE AZUL. Unha campaña de sensibilización de carácter internacional, pola que miles de edificios e monumentos emblemáticos de todo o mundo ilumínanse de azul en apoio e solidariedade co colectivo de persoas con Trastorno do Espectro do Autismo (TEA) e as súas familias.

 

 

Última actualizaciónfeita en Luns, 16 Abril 2018 10:29

Páxina 1 de 119

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.