autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Próximo Concerto Solidario a cargo da Banda KHITARA. Entrevista a Jose Carballido, director da banda.

Correo-e Imprimir PDF

CONCERTO SOLIDARIO Federación Autismo Galicia

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

O vindeiro 3 de febreiro a Banda KHITARA celebra un concerto solidario no Teatro Principal de Santiago de Compostela que servirá para dar visibilidade ao autismo e cuia recadación irá destinada a Federación Autismo Galicia.

O director da Banda KHITARA Jose Carballido, tamén mestre de música en educación primaria e secundaria colaborará coa Federación Autismo Galicia, ofrecendo un concerto solidario, cuxos fondos se doarán á Federación.

As entradas-donativo estarán a venda a 7€, dende hoxe na compostelana tenda A Reixa (Rúa do Hórreo, 46) colaboradora do evento, e na páxina web: www.josecarballido.com.

 

Jose Carballido sensibilizado coas persoas con Trastorno do Espectro do Autismo (TEA) concedeunos unha entrevista:

  • Cóntanos un pouco as túas distintas facetas musicais, sobre a túa Banda KHITARA e outras liñas nas que che desenvolvas, porque temos entendido que es profesor e música tamén?

A miña formación é clásica, son licenciado en guitarra española, pero os meus intereses musicais abranguen moitos máis estilos: practicamente calquera tipo de música que estea ben feitiña. Tiven e teño moitos proxectos musicais diferentes nos que o meu obxectivo principal sempre é mesturar a “música clásica” con outros estilos. Un caso claro é a miña obra Requiem para banda de rock progresivo e coro, ou algunhas das bandas sonoras nas que traballei e que se poden escoitar na miña web. No caso de Khitara trato de mesturar o son das guitarras clásicas e as eléctricas en composicións sinxelas nas que trato temas maioritariamente intimistas.

A banda está formada por dúas guitarras clásicas, dúas eléctricas e un caixón flamenco. É unha agrupación pouco convencional cunha sonoridade pouco convencional. Nos directos ademais dos temas do noso disco tocamos versións de rock, pero rearranxadas para a nosa formación. Algúns dos grupos que versionamos son: Deep Purple, Led Zeppelin, Queen, Bon Jovi... Efectivamente, son mestre de música en infantil e primaria na escola pública. É un traballo moi enriquecedor no que cada día é un novo reto. Unha das cousas que máis me motivan no meu día a día é comprobar cómo o alumnado desfruta da música e vai desenvolvendo as súas aptitudes. É unha mágoa que só contemos con unha sesión semanal da materia...

  • ¿De onde xorde a túa sensibilidade para as persoas con TEA?

Hai xa once anos que traballo na educación pública galega, (en infantil e primaria) neste tempo pasei por moitos centros educativos e coincidín cun bo número de nenos e nenas con TEA. Nunha das escolas nas que traballei había cada mañá na porta de entrada, esperando a que tocara o timbre un neno con TEA. Recordo perfectamente que o seu semblante era triste, sempre parecía que estaba a desgusto. Era un neno duns cinco ou seis anos que non se comunicaba verbalmente e eu sempre trataba de imaxinar como se podía estar sentindo nese momento e como interpretaría el a situación de estar a punto de entrar nun sitio onde, aparentemente, non lle apetecía moito estar.

Iso levoume a darlle voltas ao xeito que temos de vivir e de educar, sen pararnos a pensar nas individualidades e dando por feito que o que nós facemos e como nós vivimos é o xeito correcto. Desta reflexión xurdiu "Tan solo una gota", canción incluida no disco de Khitara na que básicamente trato de imaxinar o que se lle pasaba a este neno pola cabeza e reflexiono sobre a necesidade de recoñecer a individualidade, a diversidade dentro da xeneralidade.

  • ¿Cales son as túas experiencias en canto ao valor da música para as persoas con TEA?

A música gústalle practicamente a todo o mundo. Na miña experiencia docente debín atopar como moito un 1% do alumnado que aseguraba que a música non lle gustaba ao principio de curso cando nos presentabamos. Curiosamente ese 1% á hora de tocar os instrumentos era o que máis sorría! Os estímulos sonoros forman parte do desenvolvemento do ser humano desde antes do seu nacemento e nos primeiros anos de vida non existen os prexuizos musicais, calquera estilo ben empregado é desfrutable, de calquera interpretación propia podemos ver medrar as autoestimas e de calquera interpretación allea podemos aprender dende aspectos musicais ata aspectos emocionais. Co alumnado con TEA sucede dun xeito parecido, o que pasa é que nalgúns casos o modo de exteriorizar as emocións é diferente.

Na miña experiencia con alumnado con TEA vin que cada un deles respondía dun xeito diferente á música na escola: hai desde os que a desfrutan abertamente, ata os que parece que no se senten cómodos na aula (en moitos casos polo feito da súa sensibilidade aos sons). Nalgunhas ocasións cheguei a darlle moitas voltas ao xeito no que debía tentar motivar a algún alumno que veía especialmente incómodo na aula de música, ata que me decatei (falando coas familias) de que moitos destes alumnos que eu pensaba que estaban a desgusto na clase realmente sí que querían estar e que aprendían as cancións e as cantaban na súa casa. Tamén teño atopado casos nos que o avance dun curso a outro é realmente impresionante: persoas que non eran quen de parar quietas na silla un minuto para tocar un instrumento que pasan a estar toda unha sesión tocando o intrumento absolutamente concentradas. Cada caso é un mundo!

E é que ao final, por moito que nos guste ás persoas clasificar e poñer cualificativos a realidade imponse: existe diversidade dentro da diversidade.

Última actualizaciónfeita en Venres, 12 Xaneiro 2018 13:27

Autismo Galicia desexávos unhas felices festas!

Correo-e Imprimir PDF

 

Autor da postal: José Ángel Sanromán Portela (2008). Fundación Menela

Última actualizaciónfeita en Venres, 22 Decembro 2017 14:01

Aberta a inscrición na II edición dos cursos formativos sobre Educación no ámbito do TEA

Correo-e Imprimir PDF

A Federación Autismo Galicia organiza no primeiro cuatrimestre do 2018 a II Edición dos cursos de formación nos que se aborda o tratamento das persoas con TEA dende a prespectiva da Educación. Están dirixidos a profesionais do ámbito educativo como mestres, educadores, orientadores, coidadores... que non pertenzan a entidades asociadas á federación. Os tres cursos serán impartidos por Marlene Horna Castiñeiras, licenciada en Psicoloxía e que conta con máis de 15 anos de experiencia no ámbito do TEA.

PRIMEIRO CURSO: 'Apoios visuais como ferramente de intervención nos Trastornos do Espectro do Autismo', ten como obxectivo que os participantes aprendan a intervir e axudar ás persoas con TEA en diversos contextos empregando diferentes tipos de apoios visuais. Terá lugar o 3 de febreiro.

SEGUNDO CURSO: 'Habilidades sociais en persoas con Trastorno do Espectro do Autismo', no que os participantes adquirirán recursos e ferramentas para ensinar ás persoas con TEA a desenvolverse socialmente. Terá lugar o 17 de marzo.

TERCEIRO CURSO: 'Intervención sobre as condutas inadecuadas en persoas con TEA', o apoio condutual positivo. Neste curso o obxectivo é que os participantes no curso entendan por que se producen e se manteñen as condutas inadadecuadas no contexto escolar ordinario. Saber que detrás destes comportamenos existe un motivo que se ensinará a descubrir e analizar para así planificar e intervir de forma proactiva. Terá lugar o 14 de abril.

 

Programa e inscrición nos tres cursos


Última actualizaciónfeita en Martes, 19 Decembro 2017 10:48

Visibilizando o autismo co Calendario 2018 #retraTEA. Miradas en Filtros

Correo-e Imprimir PDF

icon Calendario 2018. #retraTEA. Miradas en Filtros

Foto de familias dos participantes no acto de presentación do Calendario 2018

Última actualizaciónfeita en Venres, 22 Decembro 2017 13:58

Páxina 1 de 114

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.